1․Լրացնել բաց թողած տառերը և կետադրել ./4մ./
Վարդանը սփրթնեց, աչքերը շողացին մռայլ մի ցոլքով և նա վերջին հայացքով մի ակնթարթում կտրեց զորագնդերը:Նայեց նրանց, որոնք գնում էին դեպի սխրագործություն, որ չունի մահի երկյուղ: Ահռելի ուժը իր թիկունքում զգալով’ վճռեց կռվել մինչև վերջին շունչը: Շիփ-շիտակ զարկեց գետի մեջ’ ուղիղ մատյան գնդի վրա: Հայկական այրուձիի զորագնդերը մխրճվեցին պարսիկների մեջ սկսվեց մի ահավոր նախճիր: Մատյան գունդը ընկրկեց և սկսեց հետ-հետ շրջվել իրեն քաշելով պատառոտված ու շփոթված թևերը: Վարդանը մի ակնթարթ տատանվեց, բայց իսկույն ևեթ մխրճվեց աջ թևը Սունյաց ուխտադրուժ զորագնդերի մեջ, որոնք, չկարողանալով անդրադարձնել այդ հուժկու հարվածը, ժամանակ չունեցան սթափվելու: Մոլեգնել սկսեց ռամկական կռիվը, այդ անարվեստ, բայց ոգելից կռիվը։ Թվում էր վրիժառու դարերի կուտակված զայրույթ էր պոռթկում բռնակալների դեմ: